OKWI ATUA KIMYA KIMYA DAR ES SALAAM

 

OKWI KATIKA MOJA YA MECHI CHACHE ALIZOICHEZEA ETOILE DU SAHEL

Mshambuliaji wa zamani wa Simba, Emmanuel Okwi ametua jijini Dar es Salaam kimya kimya.

Okwi ambaye sasa ni mchezaji wa Etoile du Sahel ambayo ameisusia, yuko jijini Dar akiendelea na maisha yake ya kawaida.

Rafiki wa Okwi amesema Mganda huyo ametua nchini takribani siku nne na amekuwa akiishi maisha ya kutotaka kuonekana na watu wengi.

“Amekuja kuwatembelea rafiki zake tu, wala si kwa ajili ya mazungumzo ya kujiunga na timu nyingine au la,” alisema.

Okwi amesusa kuichezea Etoile inayodaiwa na Simba dola 300,000 za manunuzi yake ambayo hawakuzitoa.

Mganda huyo aliisusia timu hiyo kwa madai imekuwa haimlipi mshahara wake kwa zaidi ya miezi miwili.

Kutokana na hali hiyo, Okwi alirejea Uganda na kuendelea na maisha yake ya kawaida.