SHABIKI YANGA ANG'ATWA NA MBWA WA POLISI

Shabiki wa Yanga, Nehemia Bakary alijikuta aking’atwa na mbwa wa polisi waliokuwa wakilinda getini katika mechi ya Prisons dhidi ya Yanga kwenye Uwanja wa Sokoine, juzi mkoani hapa.

Bakary ameliambia gazeti hili kuwa aling’atwa na mbwa huyo wakati alipokuwa mlangoni akitaka kuingia ambapo ghafla alirukiwa na mbwa huyo na kumng’ata mkononi.

“Mpaka askari wanaanza kudhibiti tayari alikuwa ameshaniumiza, nilipowauliza askari wale juu ya matibabu wakaniambia niende hospitali nikajitibu mwenyewe.

“Nashukuru nilipoingi ndani (uwanjani) ndipo daktari wa Yanga, (Nassor) Matuzya alinipa huduma ya kwanza wakati hasari wote waliamua kunipotezea,” alisema shabiki huyo aliyetoka Dar es Salaam kwa ajili ya mchezo huo wa Ligi Kuu Bara uliomalizika kwa sare ya 1-1.

 

MKONO ULIOUMIA

Alipoulizwa Katibu Mkuu wa Chama cha Soka Mkoa wa Mbeya (Mrefa), Haroub Seleman alisema haNa taarifa zozote juu ya tukio hilo.