SHABIKI ATISHIA KUUA MKE NA WATOTO WA GERRARD..

Shabiki anayeaminika ni wa Liverpool, amemporomoshea matusi na vitisho nahodha wa timu hiyo, Steven Gerrard huku akimtishia kuwaua mke na watoto wake.

Balaa hilo limemtokea Gerrard wakati akiwa katika mazoezi ya timu hiyo leo kwenye viwanja vya Melwood.

Shabiki huyo aliyekuwa upande wa uwanja huo alianza kumporomoshea Gerrard vitisho hivyo wakati akiwa katika mazoezi ya kupiga faulo na mchezaji mwenzake Philippe Coutinho.

Kocha Msaidizi wa Liverpool, Colin Pascoe ndiye alimpoza Gerrard ambaye alikuwa tayari kumvaa shabiki huyo.

Baadaye mtunza vifaa, Lee Radcliffe alikwenda kumkimbiza mtu huyo ambaye alipanda baiskeli na kuondoka eneo hilo.