SIMBA YAICHAPA MTIBWA 2-0, HENRY JOSEPH, MOMBEKI WAPIGA MOJAMOJA

 Simba imefanikiwa kuibuka na ushindi katika mechi ya Ligi Kuu Vodacom dhidi ya Mtibwa Sugar kwa mabao 2-0.

Mabao hayo yamefungwa na wakongwe Henry Joseph katika dakika ya 67 na Betram Mombeki aliyefunga la pili katika dakika ya 90.

Mechi hiyo ilikuwa ya kutegeana katika kipindi cha kwanza na Mtibwa Sugar ndiyo walioshambulia sana. SImba iliyokuwa inacheza mechi ya kwanza Uwanja wa Taifa katika ligi msimu huu ilibadilika na kushambulia sana kipindi cha pili.

Kipindi cha pili Simba iliwatoa vijana wengi na kuwaingiza wakongwe wakiwemo Mombeki na Henry ambao walifunga mabao hayo.

Simba sasa imefikisha pointi saba baada ya kucheza mechi tatu ikiwa na sare moja na kushinda mbili dhidi ya Oljoro na Mtibwa.