BRANDTS ASISITIZA MECHI MOJA INATOSHA KABLA YA KUWAVAA SIMBA

Kocha Mkuu wa Yanga, Ernie Brandts amesema mechi moja tu ya kirafiki itawatosha ili kujipanga vizuri kuadhibu Simba, Jumapili.

Brandts raia wa Uholanzi amesema kikosi chake kitacheza mechi hiyo ya kirafiki kwa kuwa anaamini watajua nini cha kufanya.

“Tunahitaji kuongeza vitu vichache sana, lakini mechi moja ya kirafiki ambayo tutacheza kabla ya Simba itatosha kabisa,” alisema.

Yanga inaivaa Chipukizi ya Zanzibar kesho ili kujiweka sawa kabla ya kuivaa Simba, Jumapili.

Yanga ipo kambini mjini Pemba kujiandaa na mechi hiyo ya watani wake.