FABREGAS AWAONDOA HOFU BARCELONA NAMNA YA KUWAZUIA RONALDO, BALE

Kiungo nyota wa Barcelona, Cesc Fabregas amewataka mashabiki wa timu yake kuondoa hofu ya namna ya kuwazuia wachezaji wawili wa Real Madrid.

Cristiano Ronaldo na Gareth Bale ndiyo gumzo, kwamba Barcelona watawazuia vipi.

Lakini Cesc amesema si kazi ngumu nay a kutisha badala yake inawezekana huku akikumbushia wakati akicheza Arsenal.

Picha kadhaa zinaonyesha akipambana na Bale wakati akiwa Tottenham, hali inayomfanya asiwe na hofu hata kidogo kuhusiana naye.

Kwa upande wa Barcelona, Lionel Messi na Neymar ndiyo wanaonekana watakuwa tatizo kubwa kwa Real Madrid.

Hata hivyo, mechi hiyo itakayopigwa leo saa moja usiku inatarajiwa kuwa na burudani kali zaidi kwa kuwa kila timu ina wachezaji wengi ‘noumaa’.