MASHABIKI WAMTEUA BALE NDIYE ALIBORONGA KULIKO WOTE EL CLASICO

Mchezaji ghali zaidi wa Real Madrid, Gareth Bale ndiye aliyecheza ovyo kuliko wote katika mechi ya El Clasico.

Katika mechi hiyo, Bale aliyenunuliwa kwa pauni milioni 86 ambacho ni kitita kikubwa zaidi duniani katika uhamisho, alishondwa kung’ara hadi akatolewa kipindi cha pili.

Katika kura zilizopigwa na mashabiki wa Real Madrid nchini Hispania, wameonyesha Bale ndiye aliyeshindwa kung’ara.

 Katika mechi hiyo ugenini Camp Nou, Madrid ililala kwa mabao 2-1 huku nyota Neymar wa Barcelona aking'ara.

Bale ameshika namba moja kwa kuboronga kutokana na kura nyingi zilizopigwa dhidi yake.

 Lakini bado mashabiki hao wakasisitiza wanaamini ana muda wa kufanya makubwa.

Mashabiki wa Madrid wamekuwa tofauti na uongozi wao, kwani wana uvumilivu mkubwa na wamekubali kutoa muda kwa Bale ambaye ameshindwa kuonyesha cheche zake mapema.