TENGA AACHA MILANGO WAZI KWA MALINZI

Rais wa TFF anayemaliza muda wake, Leodeger Chilla Tenga amesema amecha milango wazi kwa ajili ya mteule, Jamal Malinzi.

Tenga amesema kwa kuwa amekaa miaka nane TFF hivyo hawezi kutokea mtu akasema hawezi kumsaidia Malinzi.

“Nampongeza Malinzi na wote walioshinda. Niko tayari kumsaidia, nitaacha milango wazi kwa ajili yake na wakati wowote anaweza kuja na tukajadili jambo,” alisema.

“Wajumbe waliopiga kura pia wanastahili pongezi kubwa kutokana na kazi kubwa waliyoifanya kwa ajili ya uchaguzi huo muhimu,” alisema Tenga.

Mara baada ya Malinzi kushinda, Tenga alimkabidhi mpira na katiba, huku akisisitiza makabidhiano ya ofisi yatafanyika Jumamosi saa 5 asubuhi katika makao makuu ya TFF, Karume, Ilala jijini Dar es Salaam.