TORREEEEEEEEEEEES AITUNGUA MAN CITY, CHELSEA YASHINDA 2-1

Chelsea imeitandika Manchester City kwa mabao 2-1 katika mechi ya Ligi Kuu England iliyocheza leo jijini London.

Mechi hiyo ilikuwa kali na ya kuvutia na Chelsea walikuwa wa kwanza kupata bao lao katika dakika ya 33 kupitia Mjerumani Andre Schurrle aliyepokea krosi safi ya Fernando Torres aliyewatoka mabeki wa Manchester City.

Lakini kupitia Kun Aguero, Manchester City walisawazisha mara tu baada ya kupiga shuti kali ilikuwa katika dakika ya 49.

Wakati ikionekana kama mechi ilikuwa imemalizika, Torres alifunga bao baada ya kipa Joe Hart na mlinzi, Matija Nastasic wa Manchester City kujichanganya wakati wakijitahidi kuokoa na Mhispania huyo akawamaliza kwa ulaini.

Kocha wa Chelsea, Jose Mourinho alikuwa burudani zaidi mara baada ya Torres kufunga bao hilo muhimu.

Mourinho aliinuka na kwenda kushangilia kwa mashabiki utafikiri mshambuliaji aliyefunga bao.