MATA BADO KIDOGO TU MANCHESTER UNITED

NIFANYEJE SASA?

Mwakilishi wa kiungo Juan Mata amesafiri hadi mjini Manchester kufanya mazungumzo ya mwisho ili atue na kujiunga na United.

Tayari Chelsea imesema iko tayari kumuachia kwa pauni milioni 37 na Man United inaonekana iko tayari kuzitia.

Mata amekosekana mazoezi ya Chelsea leo tena bila ya taarifa, hali inayoonyesha yuko katika harakati za kujiunga na Man United.

Kocha Jose Mourinho wa Chelsea anaonekana kupendelea kumtumia Oscar na William badala ya Mata ambaye ni kati ya wachezaji wenye uwezo mkubwa wa kuengeneza nafasi.

Kuna taarifa, huenda Mata akafanya vipimo vya afya usiku huu na tayari waandishi wa magazeti maarufu ya Uingereza wanamwinda kwa juhudi.

Mmoja wa mtandao umeandika ndani ya saa mbili hadi tatu, jibu litakuwa limepatikana lakini hakuna uthibitisho kwa asilimia mia hadi sasa.