DALALI AWEKA DIRA YAKE KUHUSIANA NA UENYEKITI SIMBA

DALALI (KUSHOTO) AKIWA NA ISMAIL ADEN RAGE NA GEOFREY NYANGE 'KABURU'

Aliyekuwa  kuwa Mwenyekiti wa Simba, Hassan Dalali, ameibuka na kusema kuwa bado anajifikiria juu ya kuamua kugombea au kutogombea nafasi hiyo kwa kuwa mwenyekiti wa sasa, Ismail Aden Rage, anamaliza muda wake na ameshatangaza kutogombea tena.

Simba inatarajia kufanya uchaguzi wake mkuu Mei nne, mwaka huu baada ya muda wa uongozi wa Rage kumalizika huku akitangaza kutogombea tena nafasi hiyo.

Dalali alifunguka kuwa kwa sasa bado hajafanya maamuzi sahihi ya kujua kama atagombea au hatagombea nafasi hiyo katika uchaguzi mkuu utakaofanyika hivi karibuni.

“Mimi nimekuwa nikisikia tu kupitia vyombo vya habari kuwa, natarajia kugombea lakini ukweli ni kwamba bado sijafanya maamuzi yoyote hadi sasa kujua kama nitagombea au la.

“Muda ukifika nitaweka wazi kila kitu kwa kuwaita waandishi na kuweka wazi kila kitu lakini kwa sasa sijaamua,” alisema Dalali.