LOGARUSIC BADO ANATAKA KUIFUNGA YANGA

Kocha Mkuu wa Simba, Zdravko Logarusic amesisitiza kuwa bado anataka kuifunga Yanga katika mechi yao ya mwisho.

Kikosi chake kimepoteza mechi dhidi ya Ashanti United kwa kufungwa bao 1-0, lakini Logarusic akasisitiza kuwa bado anataka kuifunga Yanga.

Simba imepoteza mwelekeo na makali, lakini itamaliza mechi yake ya mwisho ya Ligi Kuu Bara dhidi ya Yanga.

“Tukiifunga Yanga tutakuwa tumeweka heshima, tutakuwa tumewafurahisha mashabiki wetu hata kidogo kwa kuwa tumekuwa na msimu mbaya.

“Kikosi changu bado kina uwezo wa kuifunga Yanga, hamasa inahitajika na ninaona kwa ajili ya mechi hii tunaweza kupata hamasa,” alisema.

Kwa msimu wa pili mfululizo, Simba imekuwa haina nafasi tena ya kutwaa ubingwa au kuiwakilisha Tanzania katika michuano ya kimataifa chini ya Shirikisho la Soka Afrika (Caf).