Madrid imeanza vizuri hatua ya robo
fainali ya Ligi ya Mabingwa Ulaya baada ya kuichapa Borussia Dortimund kwa
mabao 3-0.
Katika mechi hiyo iliyopigwa kwenye
Uwanja wa Santiago Bernabeu jijini Madrid, wenyeji walipata bao la kwanza
mapema kabisa katika dakika ya 3 kupitia Gareth Bale ambaye alifanya kazi ya
ziada kuuwahi mpira aliopewa na kufunga.
Dakika ya 27, bwana mdogo fundi, Isco
akatupia bao la pili na mabao hayo
mawili yakadumu hadi mapumziko.
Cristiano Ronaldo ndiye alifunga bao
pekee katika kipindi cha pili baada ya kupokea pasi ya Luka Modric katika
dakika ya 57.
Madrid ambayo ina kumbukumbu ya kutolewa
na Dortmund katika Ligi ya Mabingwa msimu uliipita, inahitaji sare ya aina
yoyote katika mechi ya marudiano ili kusonga nusu fainali.
0 COMMENTS:
Post a Comment