STAND UNITED YAPANGA KUSAJILI NANE KUONGEZA NGUVU LIGI KUU

Timu ya Stand United inatarajiwa kusajili wachezaji nane kueleka Ligi Kuu Bara msimu ujao baada ya kufanikiwa kupanda daraja msimu huu.

Stand imefanikiwa kupanda daraja msimu huu na kuwa muwakilishi wa Mkoa wa Shinyanga baada ya kuwafunika wapinzani wake wakuu, Mwadui FC.

 Kocha wa Stand United, Novatus Flugence, amesema watakuwa makini katika usajili na watasajili wachezaji nane pekee.

Novatus alisema kuwa watakuwa makini katika suala hilo na kwamba kiwango ndiyo kitamfanya mchezaji kupewa nafasi katika timu hiyo na siyo kuangalia ustaa.

“Katika usajili wetu kuelekea ligi kuu tutaangalia sana suala la kiwango kwa wachezaji wetu tutakaowasajili, ambao ni nane tu, kwani hayo ndiyo mahitaji yetu, lakini hata wale waliopo katika timu tutaangalia zaidi uwezo.

“Tuna wachezaji wetu waliopandisha timu lakini itatubidi kuongeza ili kuweza kukabiliana na ushindani wa ligi kuu, maana si mdogo kama wengi wanavyofikiria,” alisema Novatus.