NKWABI AANZA NA KURUDISHA UMOJA SIMBA

Katika kuhakikisha inarejesha heshima yake, mgombea wa nafasi ya Umakamu wa Rais wa Simba, Swed Nkwabi amesema kuwa cha kwanza atakachokianza baada ya kuingia madarakani basi ni kurejesha umoja.

Akizungumza jijini Dar es Salaam jana, Nkwabi alisema kuwa anaamini umoja na ushirikiano ndani ya klabu ndiyo utakaoleta mafanikio ndani ya klabu.

Nkwambi alisema, timu zote inajengwa na wanachama hivyo ni vyema wakaondoa makundi yaliyojitokeza hivi sasa ndani ya timu yenye malengo mabaya ya kuibomoa Simba.

“Uongozi wa juu uliomaliza muda wake kuiongoza Simba, ulishindwa kutimiza majukumu vizuri kwa kushindwa kuvunja makundi yaliyokuwa yanajitokeza na kusababisha umoja kuvunjika.

“Nimesema hivo siyo kwamba uongozi wa juu uliomaliza muda wake haujafanya mazuri hapana, yapo baadhi ya matatizo yaliyokuwa yanatokea ya kibinadamu ambayo yalitakiwa kumalizwa na viongozi wa juu kabisa,”alisema Nkwabi.

Nkwabi ni kati ya wagombea wanaopewa nafasi ya kutwaa hiyo ni Nkwabi ambaye alikuwa jembe wakati wa uongozi uliopita.

Nkwabi pia alikuwa mmoja wa mhimili katika safu ya Simba kwenye uongozi uliopita.