ALIYEOUA MAN CITY, AIONGOZA SENEGAL KUITWANGA MISRI, SAUZ YAIFUMUA SUDAN

Mshambuliaji wa Stoke City, Biram Diouf aliyefunga bao pekee wakati timu yake ilipoitwanga Man City kwenye Ligi Kuu England wikiendi iliyopita, leo ameibeba timu yake ya taifa ya Senegal.

Mechi hiyo ilikuwa ni ya hatua ya makundi kuwania kucheza Kombe la Mataifa Afrika.

Diouf amefunga bao la kwanza wakati Senegal ilipoitwanga Misri kwa mabao 2-0 jijini Dakar na kushika uongozi wa kundi G kuwania kucheza kombe la Mataifa Afrika.

Mkali huyo ambaye ni mshambuliaji wa Man United, aliwazidi kasi mabeki wa Misri kabla ya kumzidi kipa ujanja na kuukwamisha mpira wavuni.

Baada ya bao lake katika dakika ya 19, Sadio Mane naye alifunga la pili katika dakika ya 45.

Juhudi za Misri kusawazisha katika kipindi cha pili hazikuzaa matunda na sasa wanategemea mechi nyingine kujirekebisha.

Katika mechi nyingine, Afrika Kusini imefanikiwa kuongoza kundi A baada ya kuichapa Sudan kwa mabao 3-0.
Wasauzi wakiwa ugenini Kharthoum wamewafunga mabao yao kupitia Villakazi aliyefunga mawili na Ndulula moja.

Nayo Guinea ikiwa nyumbani iliifunga Togo kwa mabao 2-1.