BALOTELLI AWEKA REKODI, SIKU YA KWANZA, AIINGIZIA LIVERPOOL PAUNI 50,000 YA MAUZO YA JEZI

Liverpool ilifanikiwa kuingiza pauni 50,000 kupitia mauzo ya jezi za Mario Balotelli, siku ya kwanza tu baada ya kumsajili.

Balotelli ,24, amejiunga na Liverpool akitokea AC Milan kwa kitita cha pauni milioni 16.

Mashabiki wa Liverpool wakampokea wakionyesha wanamkubali wakinunua jezi zake kwa wingi na kuiingizia klabu yao pauni 50,000 ambayo ni rekodi kwa mauzo ya siku moja.

Mkurugenzi Mtendaji wa Liverpool, Ian Ayre amethibitisha hilo na kuonyesha nguvu ya mashabiki wa klabu hiyo kongwe yenye mashabiki wenye moyo wa chuma.

Mtaliano huyo alifunga mabao 20 katika mechi 54 akiwa na Manchester City katika kipindi cha mwaka 2010 hadi 2013 alipoondoka kwenda AC Milan.