SIMBA WAWAITA KIBOKO YA TP MAZEMBE WAWAPIME KIONGERA, TAMBWE, WANA WACHEZAJI 8 TIMU YA TAIFA

Simba wameamua kuonyesha ujasiri na kwamba wamepania kukisuka kikosi chao baada ya kuialika AS Vita de Kinshasa ya DR Congo.

Timu hiyo ndiyo imekuwa ikiisumbua sana TP Mazembe kwenye ligi ya DR Congo na Ligi ya Mabingwa Ulaya na sasa itacheza na Simba keshokutwa Ijumaa kwenye Uwanja wa Taifa, Dar es Salaam.

Timu hiyo inatarajia kuwasili nchini kesho lakini imeelezwa kwa mafungu kwa kuwa wachezaji wake nane wako timu ya taifa ya DR Congo inayocheza leo.

“Wao watawasili tofauti na juhudi za kupata tiketi za ndege zinaendelea.

“Kweli ni timu ngumu na kali, lakini sisi tumeamua kupata timu sahihi kwa ajili ya kujipima.

“Kujipima na timu laini ni kujidanganya, hivyo tunaamini timu kama Gor Mahia halafu sasa tunapanda kwa AS Vita ni sahihi zaidi,” alisema Mohammed Kigoma, mmoja wa viongozi wa kundi la Friends of Simba (Fos).