UGANDA YAZIDI KUPAA, DRC YAFANYA MAMBO KOMBE LA MATAIFA AFRIKA

Kikosi cha DR Congo kimepata ushindi wa mabao 2-0 dhidi ya Sudan hivyo kuongoza kundoi A baada ya Nigeria kunazwa kwa sare ya bila mabao na Afrika Kusini katika mechi iliyopigwa jijini Cape Town.

Mshambuliaji mpya wa Everton, Christian Atsu aliisadia Ghana kupata ushindi wa mabao 3-2 dhidi ya Togo baada ya kufunga bao katika dakika ya 85.

Kumbuka mechi ya kwanza, Ghana wakiwa nyumbani walibanwa kwa sare ya suluhu dhidi ya Uganda.

Timu hiyo ya Afrika Mashariki imeendelea kushangaza baada ya kupata ushindi wa mabao 2-0 dhidi ya Guinea ikiwa nyumbani kwao.

Uganda inayoongozwa na kocha wa zamani wa Yanga, Milutin Sredojevich ‘Micho’ sasa ndiyo inaongoza Kundi E.

2-0 at home.

Nayo timu kutoka visiwa viduchu vya Cape Verde imeendelea kuweka juu matumaini yake ya kufuzu katika Kombe la Mataifa Afrika litakalopigwa Morocco baada ya kuiangusha Zambia iliyosafiri hadi Magharibi kabisa mwa bara la Afrika.

Misri ambao ndiyo mabingwa mara saba wa Kombe la Mataifa Afrika, wameendelea kuwa nyanya baada ya kuchapwa bao 1-0 na wapinzani wao Tunisia wakiwa nyumbani Cairo.