MASHABIKI WA FACEBOOK WA YANGA, KUWAVAA WENZAO WA GOR MAHIA JIJINI DAR

Timu ya mashabiki wa Yanga wa kwenye mtandao wa kijamii wa Facebook unaendelea na mazoezi makali dhidi ya mashabiki wenzao wa Gor Mahia.

Timu hiyo ijulikanayo kama Young Africans Facebook fans inaendelea na mazoezi kamali ufukweni tayari kujiweka fiti kwa Gor Mahia Facebook Fans kutoka jijini Nairobi, maarufu kama Naii.

Mechi hiyo itapigwa kwenye uwanja ulio katika jiji la Dar es Salaam, kila kitu kitawekwa hadharani siku chache zijazo.

Nahodha wa kikosi hicho kilichoanzishwa mwaka 2011, Mucky Zayumba amezungumza na SALEHJEMBE na kusema wanaendelea na mazoezi na programu yao imeanzia ufukweni kwanza.

“Tumeanzia ufukweni kwa ajili ya kutafuta fitness, baada ya hapo tutarejea uwanjani kwa ajili ya mazoezini mengine pamoja na kuuchezea mpira.

“Timu yetu si mchezo, tuliwahi kucheza na watani zetu Simba, tukawalama mabao saba. Pia tumewahi kucheza na Clouds Media, hivyo naweza kusema tuko sawa.