MBRAZILI WA YANGA KULA BATA ZANZIBAR, MBUGA ZA WANYAMA

Kocha Msaidizi wa Yanga, Leonaldo Leiva ameamua kubaki nchini baada ya mkewe kutua jijini Dar es Salaam.

Wabrazili wengine wanne wa Yanga, Kocha Marcio Maximo, kiungo Andrey Coutinho na mshambuliaji Geilson Santana ‘Jaja’, wote wako nchini Brazil kwa ajili ya mapumziko.

Lakini Leiva pekee ameamua kubaki baada ya mkewe kumfuata jijini Dar.

Taarifa za uhakika kutoka  Yanga zinasema Leiva anatarajia kutembelea mbuga za wanyama pamoja na kisiwa cha Zanzibar akiwa na mkewe.

“Kweli Leonaldo yuko hapa Dar es Salaam, ameamua kubaki na mapumziko yake yatakuwa hapa.

“Wengine watatu wameondoka nchini kwa ajili ya haya mapumziko ya siku chache. Watakaa na familia zao kidogo kwa kuwa kipindi cha Krismasi watakuwa hapa.

“Hivyo waliona vema wakakutana na familia zao, kabla ya kurudi na kuendelea na kazi.”