HATIMAYE PHIRI AKABIDHI RIPOTI YAKE KWA UONGOZI WA SIMBA

Kocha Patrick Phiri wa Simba, amekabidhi ripoti yake ya mechi saba za mwanzo za Ligi Kuu Bara.

Ripoti hiyo tayari imeufikia uongozi wa Simba na imeelezwa leo mchana ulikaa na kuipitia.

Mwenyekiti wa Kamati ya Usajili ya Simba, Zacharia Hans Poppe amethibitisha kupokelewa kwa bripoti hiyo.

“Kweli amekabidhisha ripoti na uongozi unaanza kuifanyia kazi,” alisema Hans Poppe.

Ripoti hiyo inajumuisha mechi sita za mwanzo ambazo Simba ilitoka sare na moja ya mwisho ambayo waliibuka na ushindi dhidi ya Ruvu Shooting.

Imeelezwa baada ya uongozi wa Simba kuipitia, utakutana na kocha huyo na kujadili mambo kadhaa.

Hata hivyo haijaelezwa itakutana naye lini ingawa kuna taarifa anaweza kuondoka kesho au keshokutwa kwenda kwao Zambia.