YANGA FACEBOOK FANS WAENDELEA NA AMSHAAMSHA

Kuelekea mechi yao ya kirafiki na mashabiki wa Simba Facebook Fans inayotarajiwa kupigwa Mwezi Disemba, timu ya mashabiki wa Yanga kutoka mtandao wa Facebook (Yanga Facebook Fans), wameanza mazoezi yao katika viwanja vya Gymkhana, Posta, Dar es Salaam.

Kuongelea hilo Nahodha wa timu hiyo Mustapha Zayumba amesema 'Muitikio wa watu unaridhisha na kila siku tumekuwa tukipokea sura mpya,” alisema.

Nahodha huyo ameongeza pia kwa sasa wanajiandaa na mechi ya kirafiki na Wizara ya Kilimo ambayo inatarajiwa kupigwa Novemba 22 kwenye Viwanja vya Changanyikeni huku wakiendelea kuwasiliana na mashabiki wa Klabu ya Gor  Mahia ya Kenya ambao wameonyesha nia ya kuja katika kuhamasisha mashabiki kuwa sehemu ya maendeleo ya klabu zao.

Timu hiyo ya Yanga Facebook Fans ilianzishwa mwaka 2011 na kucheza mechi kadhaa kama na Timu za Clouds Fm, Wapemba iliyopo Pugu, Orange ya Gymkhana, Tawakar, Morning Stars.

Timu mbalimbali zinazotumia uwanja wa Shule ya

Azania huku wakifanikiwa kuwafunga mashabiki wa Watani wao mara moja kwa mabao 7-3 katika Uwanja wa Jeshi la Angani (Airwing).

Yanga Facebook Fans hukaa upande wa Mashariki mwa uwanja wa Taifa, wakiwa na bango lao linalosomeka (Yanga Faceebok Fans), chini ya uongozi wake Innocent Mwingira (Mwenyekiti), Petronasi Akili (Katibu) naJudith Alexander/pouline mlekani (watunza Hazina).