KIPANDE CHA JEZI YA SUAREZ CHAFUNIKA KIPIGO CHA URUGUAY

Luis Suarez alifunga bao na kuisaidia Uruguay kupata sare ya mabao 3-3 dhidi ya Costa Rica katika mechi iliyopigwa jijini Montevideo.

Lakini baadaye ikapigwa mikwaju ya penalti na Uruguay wakalala kwa 7-6.

Kivutio zaidi kilikuwa pale Suarez alipochaniwa jezi yake na kipande kuanguka uwanjani.

Suarez alichaniwa jezi hiyo wakati akipambana na Giancarlo Gonzales wa Costa Rica.

Mechi hiyo ya kirafiki ilikuwa na ushindani mkali kuliko hata ile ya mashindano.

Leo asubuhi, magazeti na vyombo vingi vya habari vilizungumza kuhusiana na kipande hicho cha jezi badala ya kipigo cha timu ya taifa ilichokipata kutoka kwa wageni.