JOH MAKINI ASEMA YEYE NI SIMBA DAMU, AFURAHIA YANGA ILIVYOLALA MTANI JEMBE

Msanii nyota wa Hip Hop nchini, John Simon ‘Joh Makini’, amefunguka kuwa licha ya kujikita katika muziki lakini pia ni mpenzi mkubwa wa soka ambapo yeye ni shabiki ‘damu’ wa Simba.

Joh Makini anayetamba na nyimbo za Najiona Mimi na Gere, amefunguka kuwa amekuwa akifuatilia soka japo siyo kwa ukaribu lakini Simba ndiyo timu ambayo ipo kwenye damu yake.

“Mimi ni shabiki wa Simba kwa hapa nyumbani na nimekuwa nikiifuatilia timu yangu, nje ya nchi sina timu ya kushabikia zaidi nashabikia mchezaji mmoja-mmoja, tena hasa Waafrika tu.

“Na kuhusu Simba kutimua kocha siwezi jua sababu yao hasa, viongozi ndiyo wanaotambua nini kilichokuwa nyuma ya pazia lakini kwa upande wa Yanga najua kipigo cha Nani Mtani Jembe ndicho kilichosababisha kufukuzwa Marcio Maximo,” alisema Joh Makini.