KOPUNOVIC HATAKI KUUMIZA KICHWA KWA AJILI YA OWINO

Siku chache baada ya beki wa kati wa Simba, Joseph Owino, kutua nchini ili kuendelea na kazi yake ya kuitumikia klabu hiyo, amekumbwa na balaa ambalo linaweza kumkosesha amani katika kipindi chake chote kilichobakia klabuni hapo.

Balaa hilo linatokana na kocha mkuu wa timu hiyo, raia wa Serbia, Goran Kopunovic kudai kuwa hana mpango na mchezaji huyo katika kikosi chake kwa hivi sasa kwa sababu hamjui na hajawahi kumuona hata siku moja akiwa uwanjani.

Kopunovic amesema kuwa kwa sasa akili yake yote ameielekeza kwa wachezaji waliopo katika kikosi hicho ili kuhakikisha wanakuwa fiti na kutimiza malengo yake ya muda mfupi aliyojiwekea.

“Siwezi kukaa namfikiria mchezaji mmoja ambaye hata simjui na sijawahi kumwona uwanjani akicheza kama ilivyo kwa wengine katika kikosi changu.

“Kama angekuwa anapenda kazi basi asingechelewa kuja kuendelea na kazi yake baada ya kumalizika kwa muda wake wa mapumziko,” alisema Kopunovic.