TUKIO LA USHIRIKINA LAMSHANGAZA ZAIDI KOCHA PLUIJM

Kocha Mkuu wa Yanga, Hans van Der Pluijm, amefunguka kuwa tangu aanze kufundisha soka miaka 19 iliyopita, hajawahi kushuhudia  kitendo cha kishirikina katika soka kama ilivyotokea hivi karibuni katika mchezo wao dhidi ya Shaba.

Jumanne iliyopita, mwanachama wa Yanga maarufu kwa jina la Carlos, aliingia uwanjani pembeni ya lango la wapinzani na kuchukua glovu za akiba za kipa wa Shaba, Bakari Shaweji kisha kukimbia nazo ikiwa ni katika dakika ya 81, ambapo dakika tano baadaye Andrey Coutinho aliifungia Yanga bao zuri.

Kocha huyo alifunguka kuwa tangu aanze kufundisha mwaka 1996 barani Afrika tukio hilo lilimshangaza zaidi.

“Mambo ya kishirikina yanachangia soka la Afrika kurudi nyuma kwa kiasi kikubwa na kupoteza saikolojia ya wachezaji uwanjani, hasa tukio linapotokea mpira ukiwa unaendelea uwanjani si vyema sana,” alisema Pluijm.

Carlos aliingia uwanjani 'kuikoa' timu yake na kukimbia na glavu za kipa wa Shaba kutokana na washambuliaji wa Yanga kukosa mabao ya wazi mfululizo.

Baadaye dakika takribani nne baada ya Carlos kukimbia na glavu hizo, Yanga ilipata bao pekee katika mchezo huo lililofungwa na Andrey Coutinho.