UWANJA WA JAMHURI WALINDWA KINOMA, KISA! USHIRIKINA

ULINZI! Uwanja wa Jamhuri ambao utatumiwa kwenye mechi kati ya wenyeji Polisi Morogoro na Yanga leo, umeripotiwa kuwekwa chini ya ulinzi na askari wakihofia kuwekwa ndumba. 

Askari hao walianza kazi hiyo kwa siku tatu nyuma wakiihofia Yanga kuweza kufanya mambo hayo ya Kiswahili.

Katika mazoezi ya jana kwenye uwanja huo, Salehjembe liliwashuhudia askari wakiwaondoa mashabiki na wanachama wa Yanga ili waendelee kuweka ulinzi.

Hata hivyo, askari hao walimdaka kijana mmoja shabiki wa Yanga aliyeonekana akiweka vitu kwenye ‘pichi’ na walipomkagua walimkuta na ndimu pamoja na chumvi kwenye mfuko wa nguo yake kabla ya kumsweka selo.

Katibu Mkuu wa Tawi la Yanga Morogoro Mjini, Edward Mhagama, alithibitisha hilo na kudai kijana huyo alikuwa na vitu hivyo kwa ajili ya matumizi ya nyumbani.