ALIYEIFUNGA STARS MABORESHO AUKIMBIA UKAPERA KWAO RWANDA

 Kiungo nyota wa Rwanda ‘Amavubi’, Jean Baptiste Mugiranezaa amefunga ndoa ya mpenzi wake wa siku nyingi, Gisa Fausta.

Mugiraneza ndiye aliyefunga bao wakati Taifa Stars Maboresho ilipotoka sare ya bao 1-1 dhidi ya Amavubi kwenye Uwanja wa CCM Kirumba jijini Mwanza, hivi karibuni.

 

Kiungo huyo wa APR amekuwa na bahati ya kuifunga Tanzania, kwani katika michuano ya Chalenji kwa nyakati tofauti ameishafunga mabao mawili katika mechi mbili tofauti.

Mugiraneza sasa ameachana na ukapera na sherehe za harusi yake zilihudhuriwa na wadau kadhaa wa michezo.