HUU NDIYO UWANJA WA LOBATSE, YANGA ITAKUWA HAPA USIKU HUU KUPAMBANA

Na Louis Ngwako, Gaborone

YANGA wanashuka dimbani leo kwenye Uwanja wa Lobatse ulio kilomita 70 kutoka katika Jiji la Gaborone kucheza mechi ya pili ya Kombe la Shirikisho dhidi ya BDF XI.

Ukiwa na idadi ya wakazi wapatao 30,000 tu, Mji wa Lobatse upo Kusini Mashariki mwa Gaborone na Uwanja wa Lobatse wenye uwezo wa kuingiza watu 20,000 walioketi uko katikati ya mji huo.

Ukizungumzia kwa ukubwa, Lobatse unashika nafasi ya tatu baada ya Francistown ulio katika Mji wa Francis, unaoingiza watu 27,000.

Francistown ndiyo uwanja mkubwa zaidi nchini hapa na unafuatiwa na Uwanja wa Taifa wa Gaborone unaoingiza watu 22,500. Halafu Lobatse.

Nyuma ya Uwanja wa Lobatse, Mto Peleng unakatiza na hali ya hewa ya eneo hilo ni baridi mara nyingi kwa kuwa unazungukwa na milima.

Una vyumba vinne vya kubadilishia nguo, viwili vya wanaume na viwili vya wanawake, chumba kimoja cha wauguzi, waamuzi, pia mageti makubwa matano ya kuingilia uwanjani.

Kuna marekebisho makubwa yanaendelea kwa ajili ya kuuboresha, yanatarajiwa kukamilika mwishoni mwa mwaka huu.

Usisahau, uwanja unaomilikiwa na BDF XI unajulikana kama SSKB, upo hapa jijini Gaborone na unaingiza watu 5,000 walioketi na unashika nafasi ya 11 kwa ukubwa wa viwanja nchini hapa.

    UWANJA                   UWEZO                 MJI

1. Francistown             27,000                     Francistown     

2. Taifa                           22,500                     Gaborone     

3. Lobatse                      20,000                     Lobatse     

4. Molepolole                15,000                      Molepolole     

5. Maun                          10,000                      Maun        

SOURCE: CHAMPIONI