BAADA YA KIPIGO CHA YANGA, STAND WAENDELEA KUJIFUA JIJINI DAR

 Kocha Mathias Lule ameendelea kukinoa kikosi chake cha Stand United akiwa jijini Dar es Salaam.

Stand United wameendelea na mazoezi kwenye Uwanja wa Karume jijini Dar es Salaam.

Lule amesema ni sehemu ya kujiandaa na mchezo wao dhidi ya Azam FC, Jumamosi.

 

“Tunaendelea na mazoezi kwa ajili ya mechi yetu dhidi ya Azam FC. Tunarajia mchezo mgumu, hivyo tunazidi kujiandaa,” alisema.

Licha ya kufungwa na Yanga kwa mabao 3-2 mechi iliyopita, wachezaji wa Stand walionekana wakiendelea na mazoezi vizuri kabisa.

Baadhi yao wamesema wamepania kushinda ili ikiwezekana warejee nyumbani kwao Shinyanga angalau wakiwa na pointi mkononi. 

  Licha ya kupoteza katika mechi dhidi ya Yanga, vijana wa Stand United walionyesha soka safi na la kuvutia hivyo kuwapa wakati mgumu Yanga.