MASHABIKI WA AC MILAN WAANDAMANA KWA STAILI YA AINA YAKE, WATAKA BERLUSCONI AENDE ZAKE

Waziri mkuu wa zamani wa Italia, Silvio Berlusconi amekutana na bilionea wa Kithailand, Bee Taechaubol kujadili suala la ununuzi wa klabu ya AC Milan.

Berlusconi ameimiliki AC Milan kwa takribani miaka 30 lakini mashabiki wanaonekana kuchoka na sasa wamekuwa wakiandamana.

Mashabiki wa AC Milan wameandamana kwa staili ya aina yake huku wakikaa uwanjani na kuonyesha maneno yanayosisitiza kwamba “Sasa imetosha”.

Wengi wanataka kiongozi huyo aiuze klabu yake ili mtu mwingine atakayeinunua ifanye vizuri.

AC Milan imekuwa ikisuasua bila ya mafanikio. Kabla ya hapo, Milan imekuwa moja ya klabu zenye uwezo mkubwa na mafanikio tele.