MWAMUZI WA SOKA NUSURA ADUNDWE MBELE YA MBUNGE

KUMEKUWA NA TABIA YA WAAMUZI KUTAKA KUADHIBIWA NA WACHEZAJI. MFANO HII ILITOKEA MWANZA WAKATI WACHEZAJI WA POLISI TABORA WALIPOMPIGA NA KUMPIGA MWAMUZI

Mwamuzi Reston Liyali amenusurika kichapo mbele ya Mbunge wa Temeke, Abbas Mtemvu, baada ya kutoa maamuzi yenye utata katika mchezo wa Kombe la Mtemvu hatua ya makundi uliozikutanisha UVCCM na Sandali.

Mchezo huo uliopigwa Jumanne ya wiki hii kwenye Uwanja wa Mwembe Yanga, Temeke jijini Dar, ulivunjika kipindi cha pili dakika ya 60 baada ya mwamuzi kukataa bao la UVCCM mbele ya mbunge huyo ambaye anadhamini mashindano hayo, hali iliyosababisha kuondolewa kwa taksi ya kukodi uwanjani hapo.

Mwamuzi huyo amesema kuwa alilikataa bao la UVCCM kwa sababu tayari alishapiga filimbi ya faulo ambayo ilitokana na kipa wa Sandali kuumizwa, hali iliyotafsiriwa kuwa ni upendeleo ambapo wao waliamua kugomea mchezo na kusababisha fujo.