YANGA YAACHA WANAJESHI DAR, PLUIJM ASEMA WATAPAMBANA

Kocha Hans vand der Pluijm amesema watapambana bila ya kuwa na wachezaji wao kadhaa ambao wana matatizo mbalimbali.

Yanga imeondoka jana usiku kwenda Tunisia kupitia Dubai kwenda kuwavaa Etoile du Sahel katika mechi ya pili ya Kombe la Shirikisho.

Pluijm amesema wako katika hali nzuri lakini kuna ugumu wa kuwakosa baadhi ya wachezaji.

Baadhi ya walioachwa ni pamoja na Hassan Dilunga, Salum Telela na Danny Mrwanda.

“Kweli wengine wanabaki wakiwemo wachezaji muhimu. Lakini hakuna kinachoshindikana, kikubwa ni kupambana.

“Wote tunajua ni mechi ngumu. Lakini ni lazima tucheze kwa umakini mkubwa, tunaweza kupambana,” alisema Pluijm, dakika chache kabla ya kuondoka.