YANGA YATANGULIZA MTU TUNISIA KUJIANDAA NA ETOILE

Yanga imeamua kumtaguliza mtu nchini Tunisia ili kuangalia mazingira kwa ajili ya kikosi chake.

 Katibu wa Yanga, Dk Jonas Tiboroha, amesema timu yake imeshatuma mtu Tunisia kuweka mazingira vizuri ya mechi yake ya marudiano ya Kombe la Shirikisho Afrika, dhidi ya Etoile du Sahel.

“Kuna mtu tumempeleka Tunisia ili atuandalie mazingira mazuri ya kufikia timu na kikosi cha watu watakaokwenda kuhakikisha tunafanya vizuri,” alisema.

Wikiendi iliyopita, Yanga ilitoka sare ya bao 1-1 na Etoile jijini Dar es Salaam, timu hizo zitarudiana wikiendi ijayo.