HANS POPPE ASISITIZA UVUMILIVU SUALA LA KOCHA MPYA SIMBA

Na Fahad Ally, Mwanza

Mwenyekiti wa Kamati ya Usajili ya Simba, Zacharia Hans Poppe amesema anashangazwa suala la kocha mpya wa Simba kuwa gumzo sana na kusisitiza, watu wavute subira.

Akizungumza na SALEHJEMBE jijini hapa, Hans Poppe amesema Simba iko katika hatua ya mwisho kumalizana na kocha huyo.

“Vuteni subira kidogo, mambo yanakwenda kwa mpangilio. Si lazima kuwe na haraka kiasi hicho, tutawataarifu bila ya shida,” alisema.

“Najua mna hamu ya kumjua lakini ni suala ambalo linahitaji umakini. Najua nilishawaeleza tokea mwanzo kwamba anatokea Uingereza,” alisema.

Tokea kuondoka kwa Goran Kopunovic kumekuwa hakuna uhakika Simba inamchukua nani huku suala hilo likiendelea kuwa siri kubwa.