MKWASA ASISITIZA YANGA ITAPAMBANA HATA KAMA IMETINGA ROBO FAINALI

Kocha Msaidizi wa Yanga, Charles Boniface Mkwasa amesema kesho watapambana vilivyo kuhakikisha wanaitwanga Al Kharthoum.

Mkwasa amesema wanahitaji kuongoza kundi kwa kufikisha pointi 9, mengine yatakayoibuka, watajua baadaye.

“Kama tutafikisha pointi tisa, basi tuna nafasi ya kuongoza kundi. Tutafanya hivyo bila ya kujali nani atafanya nini katika mechi nyingine,” alisema.

“Kwa kweli tumejiandaa vizuri sana, wachezaji wanajua tunachotaka kufanya kesho na wao wako tayari,” aliongeza Mkwasa.

Yanga imepoteza mechi moja na kushinda mbili, hivyo tayari imefuzu robo fainali lakini inataka kujiweka vizuri.