PLUIJM AKOMA KUWA LAZIMA YANGA ISHINDE LEO DHIDI YA WASUDAN

Kocha wa Yanga, Hans van der Pluijm amesisitiza kwamba leo wanataka ushindi hata kama wamevuka na kuingoa robo fainali.

Yanga inashuka dimbani leo kwenye Uwanja wa Taifa jijini Dar es Salaam kuwavaa Al Khartoum ya Sudan katika mechi ya kukamilisha ratiba ya makundi hatua ya Kagame lakini tayari imefuzu robo fainali baada ya ushindi wa mechi mbili na kupoteza moja.

“Ushindi una mambo mawili makubwa, kwanza tunataka kupata pointi tisa na kujiinua kimorali kwamba tuna kikosi kinachoweza kupambana.

“Pili tunataka kupata pointi tisa ikiwezekana kukwekea nafasi za juu yaani moja au mbili katika kundi,” alisema Mholanzi huyo.

“Kweli tumevuka, lakini kuruhusu kufungwa kwa mara ya pili katika mechi nne, litakuwa ni tatizo.

“Tuko katika kipindi cha kutengeneza timu na tunahitaji kurudisha imani kwa mashabiki na kuinua morali yetu,” alisema.