PENALTI YA MESSI YAMSABISHIA KIZAAZAA TAMBWE WA USWAHILINI

Nyota wa African Unit, Michael James ‘Tambwe’ amepokea kichapo kutoka kwa mashabiki wa timu yake baada ya kukosa penalti katika mchezo wa kirafiki dhidi ya watani zao wa jadi, Codi Voa United kwa kuipiga akimuiga mshambuliaji wa Barcelona, Lionel Messi.

Katika mchezo huo uliopigwa Jumatano ya wiki hii kwenye Uwanja wa Codi Voa, Kisarawe, Pwani, African Unit walipata penalti hiyo katika  dakika za mwisho za mchezo huo na Tambwe alipiga kwa kumuanzishia mwenzake ambaye alipaisha.

Akizungumza jijini Dar, nahodha wa timu hiyo, Nasry Said ‘Puyol’ alisema Tambwe amejitakia kupigwa na mashabiki wao baada ya kufanya uzembe wa makusudi katika mchezo huo ambao walifungwa 2-1.