UBISHI WA MESSI, RONALDO WASABABISHA SHABIKI KUMUUA RAFIKI YAKE INDIA, WOTE NI WANATOKEA BARANI AFRIKA

Suala la ushindani wa washambuliaji Lionel Messi dhidi ya Cristiano Ronaldo sass limekwenda mbali baada ya rafiki kumuua mwenzake nchini India.

Michael Chukwuma, 21, anashikiliwa kwa mauaji ya rafiki yake Obina Durumchukwu mwenye umri wa miaka 34, aliyeuwawa kwa kuchomwa na kipande cha glasi baada ya ubishi huo katika jimbo dogo ala Nallasopara jijini Mumbai, jana Jumapili.

Inspekta wa Polisi wa jijini la Mumbai, Kiran Kabadi amethibitisha kushikiliwa kwa Chukwuma ambaye alimuua mwenzake baada ya kupigwa usoni na glasi ambayo ilivunjika.

“Ni marafiki wawili, siku moja kabla walisherehea sikukuu ya kuzaliwa ya Chukwuma. Asubuhi yake wakaamkia katika mpira, ubishi uliwafikisha pabaya.

“Mmoja aliamini Messi ni bora na mwingine akasema Ronaldo. Walipoona wameshindwa kuelewana, Durumchukwu alirusha glasi iliyompata Chukwuma usoni na kusababisha majeraha kidogo.

“Kutokana na hasira, Chukwuma naye aliichukua sehemu ya vipande vya glasi ile na kwenda kumchoma navyo rafiki yake hadi alipopoteza maisha,” alisema.

Messi na Ronaldo ndiyo wachezaji wenye upinzani mkubwa duniani kote huku kila mmoja akiwa na mashabiki wanaoamini wanayemuunga mkono ni bora zaidi.

Hapa nyumbani Tanzania, ubishi huo umekuwa ni jambo la kawaida kutokea na wakati mwingine pia kusababisha hasira.

.