USHINDI WA LULU, RICHIE AFRICAN MAGIC PEOPLES CHOICE AWARDS WAMLETA MR IBU BONGO

MR IBU AKIWA NA SALEHJEMBE

Mwigizaji maarufu wa filamu za vichekesho nchini Nigeria, John Okafor maarufu kama Mr Ibu amesema sasa anatamani kuja nchini Tanzania, kupita hata ilivyokuwa kabla.

Akizungumza na SALEHJEMBE kwenye Ukumbi wa Hoteli ya Eko jijini Lagos, Nigeria, Mr Ibu alisema awali alitamani kuja nchini Tanzania, lakini sasa ni maradufu hasa baada ya kuona msanii kinda kama Lulu akishinda tuzo ya muongozaji bora.

“Tokea mwanzo nilikuambia nataka kuja Tanzania. Sasa hamu yangu ya kuja imezidi, nataka nitembelee Tanzania.

“Nimekuwa nikisikia sifa zake, ni nchi ambayo inaunga mkono kazi za Nollywood zikiwemo zangu. Nafikiri siku chache zijazo nitakuja.

“Ushindi wa tuzo mbili kwa Tanzania ni jambo bora kabisa kama sehemu ya mwamko. Kawaambia Watanzania ninawapenda, pia nitakuja hivi karibuni,” alisema.

Wakati wa utoaji tuzo za African Magic People’s Choice ambazo Single Mtambalike ‘Rich Richie’ na Lulu walishinda. Mr Ibu alikuwa mmoja wa wasanii waliokuwa kivutio kikubwa.