SINGIDA UNITED YAMREJESHA BEKI WAKE WA KIMATAIFA KUONGEZA NGUVU

Uongozi wa klabu ya Singida United umetangaza kumrejesha beki wake Mzimbambwe, Elisha Muroiwa kwa ajili ya kukitumia kikosi chao.

Muroiwa aliondoka nchini Disemba mwaka jana kufuatia matatizo ya kifamilia yaliyomkuta na kupelekea kushindwa kutoa huduma ndani ya kikosi cha Singida.

Muroiwa amerejea Singida huku timu yake ikiwa katika maandalizi ya kucheza mchezo wa fainali ya Kombe la Shirikisho dhidi ya Mtibwa Sugar FC mjini Arusha.

Beki huyo aliyeiongoza timu ya taifa ya Zimbabwe katika michuano ya AFCON 2017 ataanza rasmi mazoezi na kikosi cha walima alizeti kuanzia kesho Jumatatu.