Ikiwa ni mechi yake ya kwanza ya Ligi Kuu Bara kiungo mpya wa Yanga, Feisal Salum ‘Fei Toto’, juzi Alhamisi alipiga pasi 50 katika mchezo dhidi ya Mtibwa Sugar uliopigwa kwenye Uwanja wa Taifa, Dar.
Kiungo huyo amejiunga na Yanga msimu huu kwa mkataba wa miaka mitatu akitokea JKU ya Zanzibar.
Katika mchezo huo ambao Fei Toto alianza kucheza namba kumi kabla ya Abdallah Shaibu ‘Ninja’ kuumia ambapo alipotoka Fei Toto akashuka chini na kucheza nafasi ya kiungo mkabaji ambapo alifanikiwa kupiga pasi 25 tena akicheza kwa utulivu mkubwa.
Katika pasi hizo, 23 ndiyo zilifika kwa walengwa wakati pasi mbili zilipotelea njiani huku akipokonya mipira mara mbili tu kutokana na muda mwingi kutumia kukaba. Hiyo ni katika kipindi cha kwanza.
Katika kipindi cha pili, kiungo huyo alipiga tena pasi 25, akipoteza pasi tatu pekee na 22 zikifika kwa walengwa. Mbali ya pasi hizo alipokonya mipira mara tatu, akipiga shuti moja huku akicheza faulo mbili sawa na alizokuwa amechezewa.
Karibu Yanga Feisal Salim..
ReplyDeleteNamshauri kocha wa Yanga ajaribu combination ya Feisal, Tshishimbi na Kamusoko ili Fei azunguke huria kupokonya na kugawa mipura
ReplyDeleteWacheni mambo ya ushauri wa kitaalamu. Ukocha ni kozi zinazosomewa. Waacheni wenye elimu hiyo na waliopewa majukumu wafanye kazi yao.
Delete