YAELEZWA GAMBA ALIFARIKI TAKRIBANI SIKU TATU BILA YA MTU KUJUA....

Mtangazaji maarufu nchini, Isaac Gamba ambaye amefariki dunia mjini Bonn nchini Ujerumani, alifariki takribani siku tatu bila ya watu kujua.

Gamba ambaye alikuwa akifanya kazi katika Kampuni ya Utangazaji ya Ujerumani, Dutche Welle, alifariki dunia siku tatu nyumbani kwake lakini hakuna aliyejua.

“Unajua mimi si msemaji wa familia, lakini Gamba alifariki takribani siku tatu na hakuna aliyekuwa amejua.

“Siku ya kwanza ofisini kwake walimpigia simu ikaita tu, siku ya pili haikuwa imepatikana. Asubuhi siku ya tatu ukafanyika mpango wakaenda na Polisi.

“Walipogonga bila ya mafanikio basi ndiyo wakafikia uamuzi wa kuvunja na kumkuta maskini,” alisema mmoja wa Watanzania wanaoishi nchini Ujerumani, akiomba asitajwe.

Gamba amewahi kufanya kazi Radio One na ITV na ni mmoja wa watangazaji maarufu wa michezo nchini.