Mshambuliaji Zlatan Ibrahimovic amekuwa mwiba mkali kwa timu
yake ya zamani ya Barcelona baada ya kufunga bao la kwanza na kutoa pande
lililozaa la pili katika mechi ya Ligi ya Mabingwa dhidi ya timu hiyo.
PGS iliyokuwa nyumbani imelazimisha sare ya mabao 2-2 dhidi
ya Barcelona ambayo ilitangulia kupata bao lake kupitia kwa Lionel Messi lakini
Ibra Kadabra akasawazisha.
Baadaye Barcelona ikapata bao la pili kwa mkwaju wa penalti
uliowekwa kimiani na nahodha Xavi la Ibra akatoa pasi kwa Metuidi ambaye
alipiga shuti la chinichini lililojaa wavuni.
Kiungo mpya wa PSG, David Beckham alichemsha na kutolewa na
majibu sahihi nani amesonga hadi nusu fainali yatapatikana wiki ijayo baadaye
katika mechi ya marudiano.
Upande Bayern Munich wakiwa nyumbani, waliwachosha wakali wa
Italia Juventus kwa kuwapiga kwa mabao 2-0.
Mabao ya Bayern ambao wanaonekana kushika kasi kama gari
lililokosa breki yalifungwa na Alaba na Muller, hivyo kujiweka katika mazingira
mazuri katika mechi ya marudiano jijini Turin, Italia.
0 COMMENTS:
Post a Comment