YANGA YAFANYIWA UMAFIA WA KIBABE

Wakati zikiwa zimesalia siku kadhaa kuelekea kufunguliwa kwa dirisha la usajili katika Ligi Kuu Bara, uongozi wa timu ya Azam FC upo katika hatua za mwisho za mazungumzo na mchezaji wa zamani wa Yanga Obrey Chirwa ambaye aliondoka na kwenda Misri kuchezea timu ya Isimailia, huenda akasijiliwa na Azam dirisha dogo.

Imeelezwa kuwa Chirwa amevunja mkataba wake na timu hiyo baada ya kutokulipwa stahiki zake na taarifa za kuaminika zikadai kwamba amerejea ili kujiunga na Yanga ila baada ya kocha Mkuu wa, Yanga Mwinyi Zahera kumgomea ndipo Kocha wa Azam, Hans Pluijm akapendekeza asajiliwe.

“Kocha Pluijm amemtaka awe ndani ya timu kutokana na uwezo, wake hivyo kama atapitishwa anaweza kutangazwa muda wowote kuanzia sasa, pia ni rafiki mkubwa wa Donald Ngoma ambaye naye ni raia wa Zambia hivyo kuna jambo linaendelea,”  kilieleza chanzo.

Meneja wa Azam, Philip Alando, alisema kuwa uongozi utatoa taarifa kuhusu masuala ya usajili muda ukifika kwa kuwa timu ina mipango mingi hasa katika kuimarisha kikosi.

Hapo awali ilielezwa kuwa klabu yake ya zamani, Yanga ilikuwa kwenye harakati za kumrejesha lakini Azam wamefanikiwa kuwapiga kete mabingwa hao wa kihistoria.