USAJILI WAMPONZA KIGOGO HUYU MZITO YANGA

Inatajwa kwamba Mwenyekiti wa Kamati ya Usajili ya Yanga, Hussein Nyika, muda wowote kuanzia sasa, anaweza kujiuzulu katika nafasi yake hiyo kufuatia lawama anazopewa kutokana na klabu hiyo kushindwa kuwasajili nyota kadhaa ambao alikuwa anawahitaji kocha Mwinyi Zahera.

Kabla ya dirisha la usajili kufungwa Jumamosi iliyopita, Yanga ilikuwa inazifukuzia saini za wachezaji kadhaa ambao walikuwa wanawataka kuwasa­jili lakini waliambulia kuwapata wawili tu, Haruna Moshi ‘Boban’ na kipa Ibrahim Hamad.

Kwa mujibu wa Championi, Yanga ilikuwa inawataka wachezaji Kenny Ally, Reuben Bomba, Umar Kasumba (kutoka Kenya) na Charles Ilanfya ambao wote hao wameshindwa kujiun­ga na timu hiyo.

Taarifa zisizo na shaka ambazo Championi, limezipata ni kwamba Nyika amefikia uamu­zi huo wa kutaka kujing’oa katika nafasi yake kutokana na lawama ambazo anazipata kutoka kwa wanachama mbalimbali kwa sababu ya kuwakosa wachezaji hao.

“Kwa sasa yeye Nyika anataka kujiweka kando kwa sababu ya kupokea lawama kutoka kwa mashabiki, hasa baada ya yale maneno ambayo aliyaongea Zahera kufuatia kutosajiliwa kwa wachezaji ambao yeye aliwap­endekeza.

“Lakini hata ile ishu ya Ilanfya kilichofanya asisajiliwe ni kuto­kana na meneja wake kuchukua fedha za KMC ila siku mbili kabla ya usajili kufungwa, yeye alim­fuata pale Pretoria Hoteli, lakini meneja wake akasema apewe muda, baadaye ndiyo ikaja kuonekana amesajiliwa KMC.

“Sasa kutokana na lawama hizo zinazoendelea, Nyika ana­taka kuachia ngazi na anaweza kufanya hivyo siku yoyote kuanzia kesho (leo) Ijumaa,” kilisema chanzo hicho.

Nyika altafutwa ili kufahamu juu ya hilo ambapo alisema: “Samahani kwa sasa niko sehemu nina kikao na watu, siwezi kuongea kitu, mpigie katibu (Kaimu Katibu, Omary Kaya) yeye yuko na timu ila mimi siwezi kuzungumza kitu chochote.”

BONYEZA HAPA ===> SALEH JEMBE SPORTS

Kwa wasomaji wa Blog yetu pendwa ya michezo hakikisha una nifollow INSTAGRAM kwa kubonyeza link iliyopo hapo Juu tutakudodoshea Upates zote za michezo kuanzia sasa.
Asante

BONYEZA HAPA ===> SALEH JEMBE SPORTS