KIKOSI cha Halmashauri ya Kinondoni 'KMC' kimefanikiwa kuanza mzunguko wa pili kwa kishindo baada ya kufanikiwa kuvuna pointi tatu katika Uwanja Uhuru mbele ya JKT Tanzania.
KMC wamepata ushindi huo baada ya beki wa JKT Tanzania Ramadhan Madenge kujifunga dakika ya 40 ya kipindi cha kwanza katika mchezo huo.
Ofisa Habari wa KMC Anwari Binde amesema kuwa ushindi huo unawafanya waanze kujiandaa kwa ajili mchezo ujao watakaocheza na Ruvu Shooting siku ya Ijumaa.
"Baada ya kumaliza mchezo ni wakati wetu kujipanga kwa ajili ya mchezo wetu mwingine, muda wetu wa kufanya tathmini na kujua wapi tulikosea na kujua idadi ya majeruhi kwa kuwa kuna baadhi ya wachezaji walipata majeraha ili tuendelee kupambana," alisema.
Mwandishi rekebisha makosa yako kabla ya kuchapisha ligi ya Tanganyika iko mzunguko wa pili sio wa kwanza unarudia makosa yale yale haraka za nini au wao hawakuanza ligi na wenzao ulipoanza mzunguko wa kwanza?
ReplyDelete