DILUNGA WA RUVU SHOOTING AMUIBUA MASAU BWIRE MZEE WA KUPAPASA

OFISA Habari wa timu ya Ruvu Shooting, Masau Bwire amesema wamefanikiwa kupata matokeo mbele ya wapinzani wao Ndanda kutokana na benchi la ufundi kufanyia kazi mapungufu yao kwa mchezo wao uliopita.

Ruvu Shooting wamefanikiwa kuibuka na ushindi wa bao 1-0 katika mchezo wa Ligi Kuu Bara uliochezwa Uwanja wa Nangwanda Sijaona mkoani Mtwara.

"Said Dilunga anafikisha bao lake la 10 sasa kwa wafungaji, tumepata pointi tatu kutokana na benchi la ufundi kufanyia kazi makosa ya mchezo uliopita," alisema.

Dilunga alifunga bao dakika ya 58 lilidumu mpaka mwisho wa mchezo licha ya Ndanda kupata penati dakika ya 75 iliyopigwa na Abdallah Mkopi kutozaa matunda.