DUA KUBWA YA DONALD NGOMA IMEJIKITA HAPA LIGI KUU BARA

MSHAMBULIAJI wa kikosi Cha Azam FC, Donald Ngoma amesema kuwa endapo hatasumbuliwa na majeruhi msimu huu hesabu zake kwenye ufungaji zitajibu na kufanya atishe.

Ngoma kwa sasa tayari ameshaanza kurejea kwenye mstari baada ya kutoka kwenye majeruhi ya muda mrefu na ametupia mabao manne katika michezo aliyocheza Ligi Kuu Bara ambayo Azam kwa sasa wamecheza michezo 17.

Ngoma amesema dua yake kubwa ni kuona kwamba hapati majeraha hali itakayomfanya apate nafasi ya kutupia nyavuni mabao mengi kadri ya atakavyopata nafasi.

"Muda niliokuwa majeruhi nilishindwa kuonyesha makali yangu hali ambayo ilinifanya nishindwe kuwa na furaha ila kwa sasa nipo fiti nitatupia kila ninapopata nafasi na kama sitapata majeraha basi mashabiki watanipenda," alisema Ngoma.

Katika mashindano ya kombe la Mapinduzi ambalo Azam FC wamelibeba jumlajumla Ngoma alitupia mabao mawili katika michezo saba aliyocheza.